ضحكة عنيكي
مش غريبة عن الدموع
ضحكة ما تشيلش القلق مالقلب
لو كنتي يوم تتبسمي بطعم اللي جاي
لو كنتي يوم تتبسمي و عدا بضحكة
مش مرارة حسرة عالحلم البعيد !
لو كنتي يوم ...
مش كتير على قلبي حبك
مش كتير على عيني تحلم باللقا
مش كبير البعد بينا
لو تحبي
.
هناك ٦ تعليقات:
اهو المشكله فى لو تحبى دى
تسلم يا شاعر
الله يكرمك يا شيخة
إلهي تنسعدي
قوليلها و النبي
أنا برضه قلت لما شاعر هيقراها هيوصل للزتونة
متشكرين يا كرنش
العين ما تعرف غير البكا
عمرك سمعت
عن حد ودنه تبتسم
او حد جامل وادعى
ان الحقايق
تترسم
انا وانتا ضالين الطريق
ضحكه عنيها
السراب
ضحكه عنيها الدليل
اشرب يا حلو
مش كانت خايف م البحر لتموت غريق
انا وانتا ف الصحرا الكلاب
يا اهل الصحارى لو تسمحو
يعنى لو من فضلكم
واحد رفيق
ضحكه عنيها
كدابين
ضحكه عنين واحد صنم
عمرك سمعت عن حد ودنه تبتسم
السلام عليكم
كويس ان الدراسة جت عشان نقرالك ..... بيطرى فعلا مصدر الالهام
عجبتنى اوى الكلمات والشعور المتداخل بين الحروف
تقبل مرورى
مش كتير عليك لقب شاعر يا صديقي
حلوة يا دوك..تحياتي
كل سنة وانت طيب
إرسال تعليق