هب الحرس
بدر البدور طلت
وطوق في البلد
هب الحرس
هش البشر من خط سير الموكب المهيوب
لست الحسن
و انكتم النفس
هب الحرس
و الشمس جيش و خيول
وميت أسطول و جحفل
سيل حشود
لكن ضعيف
ممكن بقشة تغلبه
بس الحرس
ما سابش في السوق العريض المنكبين
قشة .. ولا نظرة فلس
السوق خلي
و اليوم خلي
والموكب الأمراتي عدى و ابتسم
عشقت عيون الست شاطرها حسن
و بقالها مليون م السنين
الست تعشق سي حسن .. ما أتسألت
هوة حسن جالها منين
هوة حسن شاطر فـ أيه
هوة حسن أزاي بيمرق كل مرة مـ الحرس !
يمكن شطان
يمكن ولي
ولا مجرد فهلوي
الست حبت سي حسن و خلاص
لا ممكن تسأله
وانتم أكيد عارفين بقية قصته
يتجهزوا
يتجوزوا
ويخلفوا مليون ولد
و يربوا جوانا التبات
و يعيشوا طول العمر حاصدين النبات
و احنا بنسمع
ثم ننقل
ثم نحكي للولاد
نفس الحكاية من سنين
حدوتة باديها الحرس
و آخرها ثابت كالنبات لاخضر
أبو أوراق حنين
بدر البدور طلت
وطوق في البلد
هب الحرس
هش البشر من خط سير الموكب المهيوب
لست الحسن
و انكتم النفس
هب الحرس
و الشمس جيش و خيول
وميت أسطول و جحفل
سيل حشود
لكن ضعيف
ممكن بقشة تغلبه
بس الحرس
ما سابش في السوق العريض المنكبين
قشة .. ولا نظرة فلس
السوق خلي
و اليوم خلي
والموكب الأمراتي عدى و ابتسم
عشقت عيون الست شاطرها حسن
و بقالها مليون م السنين
الست تعشق سي حسن .. ما أتسألت
هوة حسن جالها منين
هوة حسن شاطر فـ أيه
هوة حسن أزاي بيمرق كل مرة مـ الحرس !
يمكن شطان
يمكن ولي
ولا مجرد فهلوي
الست حبت سي حسن و خلاص
لا ممكن تسأله
وانتم أكيد عارفين بقية قصته
يتجهزوا
يتجوزوا
ويخلفوا مليون ولد
و يربوا جوانا التبات
و يعيشوا طول العمر حاصدين النبات
و احنا بنسمع
ثم ننقل
ثم نحكي للولاد
نفس الحكاية من سنين
حدوتة باديها الحرس
و آخرها ثابت كالنبات لاخضر
أبو أوراق حنين
*
عبده .. ولد معروف
حكايته بتنحكي
فـ سجل ميلاد حي شبرا
من سنين
جده لأبوه
فلاح - مؤذِّن
في الصباح مداح لحسن المصطفى
طواف حبيب الأوليا
بيغيب شهور و يعود فـ أيده ضحكته
و فـ جيب جلابيته القديمة
دمعتين
للسيدة و سيدنا الحسين
بيعود .. و يسأل عن عياله
و زوجته
و حمارته
و الزرعة اللي سابها من شهور
يعرف بأن الندوة خافت عـ اللمون
و أن القراطين اللي زارعهم ذكا
خيرهم تلول
فينام و يصبح للأدان والذكر
و لمدح الحبيب المصطفى
و لزرعته
ويعد أيامه بدقات كحته
و يموت .. وما يشوف ولد ولده
اللي كان لسه ما أصبح أسمه عبده
سته لأبوه
منوفية كانت
والنسب ضارب فـ قلب الأرض لما لإخناتون
بتحب موال الشتا و ريحة اللمون
و تصحي عيلها عشان يتعلم القرآن ، يروح المدرسة
و تدخله الجامعة اللي بعد البعد
لجل ما يبقى بيه
و تقول : " أنا ما باخاف عليه
ولا في فـ داير ناحيتي أنجي
ولا فيه بنت بيه
و إن كان كتب ربي علينا البعد
برضك روحي فيه "
وعبده كان مولود بعيد
عيل بيحبي لما حط فـ حجر سته ونام هناك
فتح عينيه اللي كان لسة فـ ننيهم لسته كام سؤال
فكر .. و بص على اللمون
قالت :
"لمون جدك من يوم ما كان
ولا مرة زاد ولا مرة برضه فـ يوم نقص
حتى اللي كان من كام سنة
عسكر ودارو في البلد
مشيوا يرموا الأرض فوق الفلاحين
بيقولوا - بيداووا جراح الذل في قلوبهم سنين -
دول ما أدوناش
( وتبوسه و تتبطب عليه )
أصل أحنا من دون كل أحلام البلد
ما أتزلناش "
و تبوسه و تقوم للصلاة
و تموت وهوة بعيد
وما يموت اللمون
أمه و أبوه
بحرين من الغربة الغريبة و السكات
عمر الممات
بندول ماهوش ثابت ما بين الحب .. و الميل .. و البعاد
أمه تقول : "يا عبده مش هـ أضمك
أو هـ اسيب عيني تمد بحلمي حلمك
أو هـ أدمع
لو نويت البعد يوم من فوق بيجامتك
لجل تتعلم تكون في البعد راجل
و اما تاخد مـ الحياة الدنيا أول كف
تملاها ابتسام "
أبوه يقول : " أنا يا ابني مش هـ اديك فلوس
علشان تعيش
و برضه مش هـ اديك سرير
علشان تنام
أنزل .. و شوف الخلق و الليل و الزحام
أنزل .. لقلب السكة و عيون البشر
و اكتب قواعد الطريق
و هرسم إشارات المرور
أرسم كلام الحزن و الخوف و السرور
عبده .. أنا مش هـ أقدر أديك غير قلم
و مهمتك
( تبني لصوت الدمع كعبة في العدم )"
عبده إليه
عيل ومن صغره يحب الوسوسة
من صغره كان بيحط حاجته فـ شنطته
يسافر .. يروح المدرسة
أتعلم الحواديت من الخلق اللي في روض الفرج
و اتعلم الوزن العروضي لما نام عريان على برد الدرج
و صبح سفير في الليل بيحكي للوشوش
مواويل قبيحة
و حكايات خارجة
و حلم ما حبهوش
كات أجرته
دمعه فـ رغيفه من هنا
أو بسمة يحبس من هناك
أو حضن قبل ما يمشي كان بيهضّمه
عبده سمع عن أرض جمب الأرض ما ليها الحرس
بتمر جواها المواكب من سنين
عبده الهمام .. قرر يشوف الموقعة
ففرش على السكة عيونه الموجعة
و صبر ليوم و اتنين و شهر بلا دعة
حتى لمح بدر البدور في خدرها
و لمح عيون الناس بتجري مـ الحرس
قام عبده حب
حب العيون الدبلانين
السوق
ذبابة الفاكهة
موكب وماشي سنين لواحه بلا جهة
فعشق عيون بدر البدور
من قبل ما يكون اللقا
و قعد سنين يحلم ببسمة حب
نظرة من الحياة
من ست حسن الكون
تكون طوق النجاة
عبده يا ست الحسن عاشقك من سنين
هل تقبليه
ولا عشان ما عرفتي كامل قصته ما ترضيهوش
و لا عشان يحب ريحة النيل و تجعيد الوشوش
و بيكره الحرس اللي بيهدد عينيه ما تحبيهوش
ولا .. عشان ما رضيش يكون شاطر كما الشاطر حسن
تتجاهلي صوت الحب فـ عينيه و الشجر
و تهدي آخر كلمة للحب اللي منقوشة فـ حجر
ياست
حسنك جوة قلب العبد عبده
صار تاريخ
حبيه يغني قصتك
و يكون سلالم سكتك
و يحامي قلبك من عيون شاطرة ومن أيد الحرس
ويدق للفجر الجديد في سكتك
في كل يوم
مليون جرس
هناك تعليق واحد:
ياااااااااااااااااااااااااه قصيدتى المفضلة 👌🌸🌸🌸🌸
إرسال تعليق