حبك
و عنيكي الواقفة بحزن على اعتابي
و أيديكي الشابطين فـ دراعه
مش همة نهاية الكون
و أنا آسف
لو كنت رعشت القلب بلهفة و خوف .. لما لمستك
آسف .. لو كنت جرحت يقينك
بأنك مبسوطة معاه
لكن
كان خوفي أني أقابلك تاني
لما ايامي تفوت
وايامك تبقى عيال و بيوت
و ألمح فـ عينيكي مشاعرك
لساهم ما أتلمسوش فـ علبهم
و ألقى - برغم الوقت
- وصوته المجدول فجدايل شعرك
قلبك متكرمش وشه و لسه
أبن بنوت
و عنيكي الواقفة بحزن على اعتابي
و أيديكي الشابطين فـ دراعه
مش همة نهاية الكون
و أنا آسف
لو كنت رعشت القلب بلهفة و خوف .. لما لمستك
آسف .. لو كنت جرحت يقينك
بأنك مبسوطة معاه
لكن
كان خوفي أني أقابلك تاني
لما ايامي تفوت
وايامك تبقى عيال و بيوت
و ألمح فـ عينيكي مشاعرك
لساهم ما أتلمسوش فـ علبهم
و ألقى - برغم الوقت
- وصوته المجدول فجدايل شعرك
قلبك متكرمش وشه و لسه
أبن بنوت
هناك ٧ تعليقات:
السلام عليكم
تعقيبا على قصيدتك الرائعة يا دكتور
" كانت تحاول الفكاك من اسر عينية وسط طيات الزمن .. فوجدت قيود الحب القديم متداخلة الاحساس ..عبثا ما تحاولة ... هل فهم وجودى معة انى فقدت قاموس حبة ؟ ام ان تأبطى ذراعة هو ميثاق الغدر الذى كتبتة بدمائك حبيبى المغادر دنياى فى استمرار ...اتململ وسط دوامات الواقع والتمنى لاعود واجد وجة قلبى لازال ابن بنوت "......
سورى على تعليقكى الطويل
تحياتى القصيدة عجبانى ااااااااوى احساسك عالى بجد
ازيك يا شاعر
ان شا الله تكون بخير
عايز اقرالك جديد قريب
احنا مش اتمشينا ف الزمالك
اعتبر ده الهام واكتب
ههههههههههههههههههههههه
سلاموووووووووووووز
أنا متأكدة انى علقت ع البوست ده قبل كده
ــــــــــــــــــــ
و أنا آسف
لو كنت رعشت القلب بلهفة و خوف .. لما لمستك
آسف .. لو كنت جرحت يقينك
بأنك مبسوطة معاه
ـــــــــــــــــ
تمام كده
عزيزي الشاعر الدكتور
الاول هاقولك اقتباس عن الدكتور احمد خالد توفيق
هو قال انه يبدو ان في حاجة غلط في كليات الطب لانها بتخرج شعراء بدل ماتخرج اطباء
والحقيقة انت تاكيد لهذه الملحوظة
انا زرت مدونتك من فترة طويييييلة قوي وبعدين انا انقطعت عن متابعة المدونات لفترة طويلة ولما رجعت كنت فاكر مدونتك جدا لان شعرك كان متميز جدا
تحياتي المعجبة
حقيقى وأنا بقرأالشعر ده خدنى منى أوى وكنت أتمنى تتطول القصيده أكتر من كتر الأستمتاع
دمت متدفق الحس
سارة
حصل خير
O_o
-----------------
عمرو
شاعر مين بقى
ما الاسماعيلاوية بهدلونا
ثم ألهام أيه بقى بعد ما سيحتلي كدة و خليت سيرتي على كل لسان
ده أنت يا راجل ناقص تقول أن الدنيا كانت ضلمة و أنت عمال تقولي شعر عاتفي
:)
----------------
عين ضيقة
فعلا و بالأمارة قلتي
رغم ان القصيدة مش عبقرية
إلا انها بردو مش على ماتفرج
و أنا قلتلك
و الله أنا بتعجبني تعليقاتك الموضوعية
لأن مش لازمن كل الألبوم يبقى هيتس
المهم الواحد ما يهيسش جامد
^_~
------------------
يامن
سعيد بانضمامك صديق جديد للبرنامج
و دي حقيقة .. ما تتخيلش كمية الشعرا الجامدين اللي أعرفهم من زمايلي فالقطاع الطبي
لا و مفكرين و سياسيين و علما .. يظهر من كتر المأسويات اللي بنشوفها دماغنا بتستوي
عموما .. نتمنى ما تنقطعش تاني
----------------
في القلب
أهلااااااان .. عاملة أيه
هوة صحيح المواصلات من مدونتك لمدونتي صعبة ، بس مش كل الوقت ده
رمضان كريم
وفرصة ظريفة
بصوا بقى .. أنا لما عملت النيولوك بتاع المدونة ما لغيتش البوستات القديمة ، يعني تعليقاتكوا فالحفظ و الصون
و بناء على طلب الجماهير ، هأحاول أجيبلكوا التعليقات اللي سبتوها هنا لأنهم مش كتير و ربنا يعنا
--------------------------------
son's egypt said...
السلام عليكم
انا معاك ان الحب مش نهاية الكون
بس الحب ايضا الانسان ميقدرش يعيش من غيره
والاواحد لما يتعلق بانسان ويحبه وبعد كده سيبه حتي لو كانت ظروف خارجة عن ارادته بتكون صعب علي الواحد جدا
-----------------------
LAMIA MAHMOUD said...
آسف .. لو كنت جرحت يقينك
بأنك مبسوطة معاه
بتحصل
-----------------------
أحمد سلامــة said...
انا مش عاوز ادخل في حوار الشعر
هي قصة مفروغ منها
بس انا عاوز اتكلم على الحدوتة نفسها
الله يسامحك يا جدع
والله بجد
تعرف ان الموال ده
ممكن يعدي عليه بالسنين ؟؟
ويفضل هو هو
اه .. اكيد تعرف طبعا ، مش ده اللي انت كاتبه اصلا !!
هو بس الموضوع بيبقى فعلا
صعب قوي
الله يسامحك
--------------------------
عمرو وجيه said...
جميلة جدا يا عبد الحى ...
فعلا الحب ممكن يدوم لفترة ...
طويلة ....
و صعب يتنسى بسهولة ....
عشان كده حكمة الله انه قال فى القران ولا متخذات اخدان
ده لحماية قلب المرأة من الحب لانها لو اتجوزت واحد مبتحبهوش
هيتعانى طول حياتها و هتنفضل تحبه بعد الجواز
فسبحان الله
-------------------------
summar said...
جميل والله
عجبنى فعلا
الفكرة كمان
والمفردات
:)
ان شاء الله هحاول اتابعك
-------------------------
عين ضيقة said...
رغم ان القصيدة مش عبقرية
إلا انها بردو مش على ماتفرج
تحياتى
--------------------------
كرانيش said...
انا مع عين ضيقه جدا
القصيده ليست عبقريه
ولم تدهشنى..
ليك شكلك فى الكتابه
وليك قصايد مميزه اكتر
انا عارفه ان مش شرط كل قصايدنا تكون عاليه او مميزه زى ماقلت بس شرط كل قصايدنا تأثر فى الناس
فهمان عليّه؟؟؟
------------------------
hanan said...
بجد جامدة موووووووت
و انا مع الى قاللك ان هيعدى عليه سنينو يفضل له نفس الوقع
انا اول مرة ازور مدونتك بجد حلوة قوى
و مبروك الديوان
-------------------------
drkeemo_xp said...
رهيبة يا عبد الحي ...!
انا مش باحب التشريح الفني للقصايد و الروايات و تقييمها فقط بناء علي فنياتها
في رأيي المتواضع ان اي عمل ادبي ..- او فني حتي - هو وسيلة لتوصيل فكرة او معني اومبدأ او احساس
و متيان العمل حقق ده ...يبقي كده نجح
اه كل حاجة ليها اصول و قواعد
لكن مين قال ان اشهر قصيدة لكل شاعر اقواهم فنيا
ياعبحي انت بقيت اكبر كتير من اني اشيد بقصيدة انت كاتبها
ان الاوان ان ياخذ اسمك مكانه بجوار سرور و جاهين و امل
---------------------------
vetrinary said...
احيانا
والبحر يصب بعينيكى
اشياء من ذاتى
اتلهف للموت
كى تصبح عيناكى قبرا لرفاتى
.............
احيانا
ياتى
واكون على موعد عشق
مع اخرى
فاموووت
.............
عذرا
قد لا تصلح عيناكى قبرا
---------------------------
sendrlla said...
كان خوفي أني أقابلك تاني
لما ايامي تفوت
وايامك تبقى عيال و بيوت
و ألمح فـ عينيكي مشاعرك
لساهم ما أتلمسوش فـ علبهم
جميله اوى
فعلا الحب مهما يدور عليه سنين هو حب
وصعب تنسى انك حبيت ومين اللى حبتها وصعب تنسى احلى ذكر
واول دقة لقلبك
--------------------------
رشا عبد الرازق said...
عارف بيتهيقلي الحب ده عباره عن قصايد شعر
كل قصة حب قصيدة جديده سواء عند اللي بيعرف يكتب واللي مبيعرفش
قصيده تنتهي وتسيب لون حبرها علامه على ورقنا
وعلامه يمكن في قلوبنا
قصايد كتير
وقصيدة واحده
هيه اللي تكملنا
كل ما نكتب فيها سطور
نلقى كلام تاني نكتبه
وتفضل .... ويمكن كل يوم نكتبها جوانا
سواء بنعرف نكتب واللا مبنعرفش
عشان بتقدر تعيشنا
وتعيشنا فيها
المشكلة بقا ان كل الناس عندهم القصايد اللي بتخلص
بس مش كلهم بيلاقو القصيدة اللي بتفضل
تسلم ايدك :)
--------------------------
عالمى ازرق said...
من البدايه شدنى العنوان الا انى لقيت المحتوى لا يقل جمالا عنه
ماشاء الله عجبنى تصميم المدونه جدا
إرسال تعليق